Synsundersøking

Vi har behov for å sjå godt i veldig mange samanhengar. Det er til dømes viktig å sjå godt i trafikken, på TV, framfor PC-skjermen, ved lesing og handarbeid for å nemne nokre synskrevande situasjonar. Mange trur at dei ser godt fordi dei rett og slett ikkje veit kor bra dei kan sjå. Hugs at synet endrar seg gradvis over tid. Ofte kan ei enkel brille gjere syns- og livskvaliteten betre i kvardagen din.

Ved synsundersøkingane våre strekkjer vi oss etter å finne den optimale styrken din. Vi sjekkar også samsynet og tar vare på augehelsa di på ein god og trygg måte. Vi gir råd om glasløysingar som er tilpassa til deg og din kvardag.

Dersom optikarane våre mistenker sjukdom, har vi spesialutstyr som kan hjelpe oss med å avkrefte eller stadfeste dette. Ved eventuell oppdaga sjukdom, eller mistanke om sjukdom, har vi høve til å tilvise deg direkte til augelege for vidare oppfølgjing.

Vi råder til at ein går til synsundersøking kvart 2.-3. år. Dersom du er plaga med å vere sliten i auga, har mykje hovudverk, uklart syn, myser mykje eller merkar endringer i synet ditt, er det ofte på tide med ny synsundersøking og kanskje nye briller.

Bestill time hos Synspunkt Ørsta dersom du har behov for synsundersøking!